Bütün xəbərlər
Aqrokimya zavodunun anbarında baş verən güclü yanğın söndürülüb
Tarix: 18-02-2024 11:14 | Bölmə: Cəmiyyət

Rusiya Fövqəladə Hallar Nazirliyinin əməkdaşları bazar günü gecə Kemerovoda anbarda baş vermiş güclü yanğını söndürüblər.
Sabaha-inamla.az rus mətbuatına istinadən xəbər verir ki, İdarədən verilən məlumata görə, yanğın təxminən 1500 kvadratmetr sahədə lokallaşdırılıb, sonra söndürülüb.
Yanğının söndürülməsində 41 texnika, o cümlədən ixtisaslaşmış yanğınsöndürmə qatarı ilə 122 nəfər iştirak edib. Anbarlarda tez alışan mayelərin saxlanması işi çətinləşdirib.
Məlumdur ki, fövqəladə hadisə nəticəsində xəsarət alan olmayıb, hətta yanğınsöndürmə briqadaları gələnə qədər ərazidə olan insanlar özləri təxliyə edilib.
Rayon prokurorluğu aydınlaşdırıb ki, yanğın Şaturskaya küçəsində yerləşən aqrokimya zavodunun anbarında baş verib. Artıq hadisə ilə bağlı araşdırma aparılır, yanğın təhlükəsizliyi qanunvericiliyinin tələblərinə əməl olunması yoxlanılır.


Baxış sayı: 57


Bölməyə aid digər xəbərlər