“NAXÇIVAN” UNİVERSİTETİ İLƏ IĞDIR UNİVERSİTETİ ARASINDA ƏMƏKDAŞLIQ MÜQAVİLƏSİ İMZALANIB
Tarix: 09-09-2022 21:59 | Bölmə: Cəmiyyət


     “Naxçıvan” Universiteti ilə Iğdır Universiteti arasında Erasmus+ proqramı və akademik əməkdaşlığı əhatə edən ikili diplom proqramı layihəsi çərçivəsində müqavilə imzalanıb.
    “Naxçıvan” Universitetinin rektoru, dosent Nurlana Əliyeva rəhbərlik etdiyi nümayəndə heyəti ilə birlikdə Iğdır Universitetində olub.
İmzalama mərasimindən əvvəl Iğdır Universitetinin rektoru, prof. Mehmet Hakkı Alma qonaqları salamlayaraq universiteti gəzdirib və onlara fəaliyyətləri haqqında məlumat verib. Bildirib ki, “Bildiyiniz kimi, “iki dövlət, bir millət” anlayışı çərçivəsində ölkəmizin qardaş ölkəmiz Azərbaycanla əlaqələri günü-gündən dərinləşir. Biz İğdır Universiteti olaraq ali təhsil sahəsində də əlaqələrimizi inkişaf etdirmək üçün böyük səy göstəririk. Bu kontekstdə bu gün “Naxçıvan Universiteti” ilə imzalayacağımız əməkdaşlıq müqaviləsi bizim üçün çox önəmlidir. İnanıram ki, maraqlı tərəfimiz olan “Naxçıvan” Universiteti ilə qarşılıqlı əməkdaşlıq çərçivəsində mühüm layihələr həyata keçirəcəyik. Müqavilənin hazırlanmasında əməyi olan hər kəsə təşəkkürümü bildirirəm”.
Daha sonra ikili diplom proqramı layihəsi çərçivəsində tərəflər arasında müqavilə imzalanıb.
     “Naxçıvan” Universitetinin rektoru, dosent N. Əliyeva sözügedən müqavilənin əhatə dairəsini və əhəmiyyətini qeyd edib. Rektor imzalanmış əməkdaşlıq müqaviləsi sayəsində gələcəkdə Iğdır Universiteti ilə tələbə, akademik kadr mübadiləsi, elmi araşdırmalar kimi bir çox sahədə birgə layihələrin həyata keçiriləcəyini bildirib. Rektor göstərilən yüksək qonaqpərvərliyə görə minnətdarlığını ifadə edib.
     İmzalama mərasimi günün xatirəsinə həsr olunmuş fotosessiyadan, hədiyyələrin təqdim olunmasından və xoşməramlı diləklərdən sonra başa çatıb.
     Mərasimdən sonra isə duz mağaralarını və Duz Müalicə Mərkəzini ziyarət etmək üçün Tuzlucaya gəzinti təşkil edilib.

Sabaha-inamla.az













Baxış sayı: 58


Bölməyə aid digər xəbərlər
29-09-2022, 22:18 Nərminə dəstək olaq!