22:20 / 15-05-2022
Tramp tviterə qayıtmayacaq
16:05 / 15-05-2022
Renat İbrahimov vəfat edib
Ceyrançöldə qanunsuz ov iddiaları ilə bağlı - Rəsmi açıqlama
Tarix: 15-01-2022 19:30 | Bölmə: Cəmiyyət

                   Ceyrançöldə qanunsuz ov iddiaları ilə bağlı



Sosial şəbəkədə bir qrup xarici ölkə vətəndaşının Tovuz rayonu ərazisində, Ceyrançöldə "Bəzgək" ovlamaları ilə bağlı məlumat yayılıb.
Bioloji Müxtəlifliyin Qorunması Xidmətinin rəsmisi Arzu Səmədova “Qafqazinfo”ya açıqlamasında qeyd edib ki, hazırda ölkəmizdə ov mövsümü açıqdır və fevral ayının sonuna qədər su-bataqlıq quşları və bəzi məməli heyvanlar üçün ov mövsümü davam edəcək:
“Ov mövsümündə müvafiq limitlər və ov icazəsi əsasında yerli və xarici ovçular üçün icazələrin verilməsi qanunvericilikdə nəzərdə tutulub.
Qeyd edim ki, 2019-cu ildən etibarən xarici vətəndaşlara və ya onların təmsilçilərinə ov lisenziyaları  5 saylı Bakı “ASAN xidmət” mərkəzi  tərəfindən verilir və hazırda bir neçə şirkətə ov icazəsi verilib”.
Xidmət rəsmisinin sözlərinə görə, bu gün Ceyrançöl ərazisinə Nazirliyin regional idarələrinin əməkdaşları tərəfindən baxış keçirilib, lakin heç bir qanunsuz ov aparılması faktı aşkar edilməyib.
“Ərazi nəzarət altındadır, qanunsuz ov halları aşkar edilərsə, dərhal qanunamüvafiq tədbirlər görüləcək”.


Baxış sayı: 101


Bölməyə aid digər xəbərlər