22:41 / 21-04-2021
Yoluxanların sayı azaldı
16:29 / 21-04-2021
Stadnik yarımfinalda
Ceyhun Məmmədov: Hər bir minaya düşmə halı ermənilərin növbəti cinayətidir
Tarix: 08-04-2021 00:39 | Bölmə: Cəmiyyət
ceyhun-memmedov-her-bir-minaya-dushme-hali-ermenilerin-novbeti-cinayetidir


Xəritələrin verilməməsi bölgədə iqtisadi əlaqələrin və nəqliyyat kommunikasiyalarının bərpası prosesini ləngidir
 
“Ermənistanın Azərbaycana qarşı təxribatları davamlı və məqsədyönlü olsa da, nəticədə Azərbaycan qalib ölkə, işğalçı ölkə isə kapitulyasiya aktına imza atmış məğlub dövlət oldu. Müharibənin bitməsindən sonra beynəlxalq qanuna görə, minalanan ərazinin xəritəsi qarşı tərəfə təqdim edilməlidir. Ermənistan isə hazırda bunun əksini edir”.
Bu fikirləri "İki sahil"ə Milli Məclisin deputatı Ceyhun Məmmədov deyib.

C. Məmmədov bildirib ki, istənilən müharibə və münaqişə başa çatdıqdan sonra minalanmış sahələr, partlamamış hərbi sürsatlar və əldəqayırma partlayıcı qurğular həmin ərazilərin əsas probleminə çevirilir: “Ermənistan belə bir vəziyyətdə minaladığı ərazilərin xəritələrini Azərbaycan tərəfinə verməməklə beynəlxalq hüquq normalarını pozur. Məqsəd isə bəllidir: Azərbaycanın mülki əhalisini öldürmək, bu ərazilərə azərbaycanlıların qayıdışını maksimum uzatmaq.
Bu gün Azərbaycanın qarşısında duran əsas vəzifə erməni işğalından azad olunmuş ərazilərin tamamilə yenidən qurulması və yurd-yuvalarını tərk etmək məcburiyyətində qalan köçkünlərin geri qaytarılmasıdır. Bunun üçün, ilk növbədə onların təhlükəsizliyi təmin olunmalıdır. Xəritələrin verilməməsi eyni zamanda, bölgədə iqtisadi əlaqələrin və nəqliyyat kommunikasiyalarının bərpası, onların blokadadan çıxarılması prosesini də ləngidir. Bu səbəblərlə Ermənistan tərəfinə ciddi təzyiq olunmalıdır”.
Deputat qeyd edib ki, martın 31-də keçirilən Türkdilli Dövlətlərin Əməkdaşlıq Şurasının qeyri-rəsmi Zirvə Görüşündə də cənab Prezident xəritələrin verilməməsi məsələsinə xüsusi toxundu: “Bu, Ermənistanın Azərbaycana qarşı törətdiyi növbəti insanlığa zidd cinayətlərdən biridir və Ermənistan buna görə məsuliyyət daşıyır. İşğalçı ölkə bununla 1949-cu il tarixli Cenevrə Konvensiyalarını və I Əlavə Protokolunu kobud şəkildə pozur.
Son məlumatlar görə, Vətən müharibəsindən sonra mina partlaması nəticəsində 32 nəfər xəsarət alıb, 18 nəfər həlak olub. Bu, çox təhlükəlidir. Hər bir minaya düşmə halı ermənilərin növbəti cinayətidir. Beynəlxalq təşkilatlar bütün bu cinayətləri görür və təəssüf ki, üstündən sükutla keçir. Azərbaycanın mülki şəxslərinin və hərbi qulluqçularının həyat və sağlamlıqları Ermənistanın işğal zamanı ölkəmizin ərazilərinə basdırdığı işarələnməmiş minalar səbəbindən ciddi təhlükə ilə üzləşib. Mina qurbanlarının sayının getdikcə artmasına baxmayaraq, Ermənistanın beynəlxalq hüquqa məhəl qoymaması və bu həssas məsələdə Azərbaycanla əməkdaşlıqdan yayınması regionda vəziyyəti daha da gərginləşdirir. Ermənistan minalanmış ərazilərin xəritələrini təhvil verməli, regional vəziyyəti gərginləşdirməyi dayandırmalıdır.
C. Məmmədov qeyd edib ki, bu xəritələrin Azərbaycana verilməsi üçün Ermənistan tərəfinə ciddi təzyiqlər göstərilməlidir. Aparıcı Qərb dövlətləri, beynəxalq hümanitar və insan hüquqları təşkilatları bu məsəyə diqqət yetirməlidirlər: “Lakin biz bu gün beynəlxalq təşkilatların susduğunu görürük. Yalnız qardaş Türkiyə bütün məsələlərdə olduğu kimi azad olunmuş ərazilərdə minaların təmizlənməsi məsələsində də Azərbaycana əlindən gələn dəstəyi verməyə çalışır. Türkiyə bu xəritələrin tez bir zamanda Azərbaycana verilməsini tələb edir. Eyni zamanda, minaların təmizlənməsi məsələsində də Azərbaycana dəstək verir. Hazırda Türkiyənin minatəmizləmə qrupları da işğaldan azad edilmiş ərazilərin minalardan təmizlənməsində iştirak edirlər”.


Baxış sayı: 49


Bölməyə aid digər xəbərlər