Sumqayıtın sabiq icra başçısı Şakir Abuşovun 70 yaşı tamam oldu-TƏBRİK EDİRİK!
Tarix: 20-03-2020 23:35 | Bölmə: Cəmiyyət
Bu gün Sumqayıt şəhər İcra Hakimiyyətinin sabiq başçısı Şakir Zəkəriyyə oğlu Abuşovun doğum günüdür. Onu uzun illərdir ki, tanıyıram. Hələ 1996-cı ildə "Şərq" qəzetində müxbir işləyəndə Bakıdan iş telefonuna zəng etdim, müsahibə götürmək istədiyimi dedim. Etiraz etmədi. İcra Hakimiyyətinə gəlib Sumqayıt haqqında sanballı bir müsahibə götürdüm. Onda tanış olduq. Xatirimdə sadə, səmimi, yaxşı bir insan kimi qalıb.
Bu səbəbdən də onun ad gününü səmimi qəlbdən təbrik etmək istədim.
Hörmətli Şakir müəllim, siz Sumqayıtın inkişafı üçün əlinizdən gələni etmisiniz. Şəhər əhalisinin hörmətini qazanmısınız. İnsanların qəlbində yaxşı insan kimi qalmısınız. Mən sizə can sağlığı, uzun ömür arzulayıram. 100 yaşayın. Allah sizi hər zaman qorusun!
Şakir müəllim 1950-ci ilin mart ayının 20-də Masallı rayonunun Qızılağac kəndində anadan olub. 1979-cu ildə Azərbaycan Dövlət Universitetini və Bakı Sosial-İdarəetmə və Politologiya İnstitutunu bitirib. İlk əmək fəaliyyətinə Masallı rayonunun "Kalinin" adına sovxozunda mühasib kimi başlayıb. Hərbi xidməti başa vurduqdan sonra Sumqayıta gəlmiş, Səthi Aktiv Maddələr zavodunda aparatçı işləyib. Sonralar zavod birlik komsomol komitələrinin katibi, Sumqayıt şəhər partiya komitəsində təlimatçı, şöbə müdirinin müavini, şöbə müdiri, partiya komitəsinin katibi vəzifələrində çalışıb. 1991-ci ildən 1993-cü ilədək Sumqayıt şəhər Xalq Deputatları Sovetinin sədri olub.
Şakir Abuşov 7 ilə yaxın Sumqayıt Şəhər İcra Hakimiyyətinə rəhbərlik edib. O, vəzifəsindən 28 iyun 2000-ci ildə azad edilib.
2016-cı ildə Sumqayıt şəhərinin sosial və iqtisadi inkişafındakı xidmətlərinə görə "Tərəqqi" medalı ilə təltif edilib.
Namiq MƏMMƏDLİ
Sabaha-inamla.Az xəbər portalının baş redaktoru





Baxış sayı: 61


Bölməyə aid digər xəbərlər
1-04-2020, 20:19 Başsağlığı
20-02-2020, 13:04 TƏBRİK EDİRİK!
13-02-2020, 13:24 TƏBRİK EDİRİK!