Bütün xəbərlər
İsmayıllı Regional Gənclərin II İnkişaf Forumu keçirilib-FOTOLAR
Tarix: 23-01-2023 15:34 | Bölmə: Sosial
                  Mətbuat üçün açıqlama: İsmayıllı Regional Gənclərin II İnkişaf Forumu keçirilib-FOTO 

İsmayıllıda 6 regiondan 250-dən artıq gəncin iştirakı ilə regional forum təşkil edilib.
Sabaha-inamla.az xəbər verir ki, Forumun gündəliyinə uyğun olaraq ilk öncə ulu öndər H. Əliyevin heykəli önünə gül dəstələri düzülüb. Daha sonra isə İsmayıllı Regional Mədəniyyət evinin foesində Peşə Təhsil Mərkəzinin tələbələrinin əl işlərindən ibarət sərgi rəsmilər tərəfindən izlənilib. Gənclərin əl işləri qonaqların marağına səbəb oldu.
     Forumdan öncə Gələcək Naminə İctimai Birliyi, İsmayıllı Dövlət Peşə Təhsil Mərkəzi və İsmayıllı Regional Gənclərin Resurs Mərkəzi ilə üç tərəfli anlaşma memorandumuda imzalandı. Memorandumun şərtlərinə görə regionda sakibkarlığın təşkviqi, gənclərin peşə yönümlü layihələrə cəlb edilməsi və onların peşəkar karyerasında inkişafıda dəstək olmaqdır. Razıaşmaya əsasən növbəti aydan artıq bu sahədə genişmiqyaslı işlər görüləcəkdir.
     Dövlət himni səsləndikdən sonra forumun rəsmi hissəsi açıq elan edildi. Rəsmi qonaqların çıxışları dinlənildikdən sonra forumun I panel sesiyası öz işinə başladı. I panel sesiyada "Dövlət Gənclər siyasəti və gənclərə regionlarda yaradılmış şərait" mövzusunda geniş müzakirələr aparıldı. Spikerlər Azərbaycan Respublikası Gənclər Təşkilatları Milli Şurasının baş katibi Ramin Həbibzadə, Dövlət Məşğulluq Agentliyin əməkdaşı Mikayıl Tağızadə və ASAN xidmətin əməkdaşı Həsənxan Həsənxanlı mövzuya uyğun öz çıxışlar etdikdən sonra gənclərin maraqlandıran suallar cavablandırılmışdır.
      Gənclərin ən çox maraqla gözlədiyi II panel "Gənclərin inkişafında sahibkarlıq" mövzusunda maraqlı müzakilərlə davam etdi. II panel Rəvan Cəfərlinin moderator və spikerliyi ilə müzakirələr təşkil edildi. Basqal Hotelin əməkdaşı İbrahim müəllim turizm sektorunda yeniliklər və oteldə region gənclərinə yaradılan şəraitdən geniş danışdı. Daha sonra İsmayıllı DPTM -nin direktoru Cəlim Bağırov regionda gənclərin istehsalat sahəsində təhsil alması üçün hər cür imkanları olduğunu qeyd etdi. Spiker Taleh Həsənli isə regionlarda olan startaplar və onlardan gənclərin yararlançası barədə ətraflı danışıldıqdan sonra gənclərin maraqlandıran suallar cavablandırıldı.
    Qeyd edək ki, “Regional Gənclərin II İnkişaf Forumu” Gələcək Naminə İctimai Birliyi və İsmayıllı Regional Gənclərin Resurs Mərkəzinin təşkilatçılığı, Dövlət Məşğulluq Agentliyi, Gənclər Təşkilatları Milli Şurası, Gənclərin Karyera və İnkişaf Mərkəzi, Tutorlab və İsmayıllı Dövlət Peşə Təhsil Mərkəzinin tərəfdaşlığı ilə təşkil edilmişdir.

Sabaha-inamla.az






Baxış sayı: 207


Bölməyə aid digər xəbərlər