Bütün xəbərlər
Şəhidin atası: "Nəvəm oğluma dedi ki, ata, siz necə hərbiçisiniz ki, Paşinyan Cıdır düzündə rəqs eləyir?
Tarix: 13-11-2022 14:55 | Bölmə: Reportaj


    Sumqayıtda "Qayalı" mərasim evində şəhidlik zirvəsinə ucalmış Vətən müharibəsi qəhrəmanı Mehrab Niftəliyevin ikinci ildönümü keçiirlib.

                       

    Tədbirdə şəhid ailələri, qazilər, ictimayyət nümayəndələri,Sumqayıt şəhər icra hakimiyyəti başçısının birinci müavini Teymur Səmədov və digər məsul şəxslər iştirak ediblər. 

                       
    Məktəblilər şəhidin məzarı önündə vətənpərvər ruhlu şeirlər sğyləyiblər.
   Şəhidin atası Söhrab Niftəliyev oğlunun məzarı başında çıxış edib: "Bütün dünya azərbaycanlıları Zəfər Gününü bir bayram kimi qeyd edir.Bu qəhrəman oğullarımızın sayəsində biz torpaqlarımızı azad elədik. Biz əsrlər boyu torpaqlarımızı itirə-itirə gəlmişik.İlham Əliyev cənabları çox çalışdı ki, qan tökülməsin,bu məsələ sülh yolu ilə həll edilsin. Ancaq alınmadı. Ermənilər bizi başa düşmədi. Sonra bizim oğullar onları başa saldı. Yadınızdadır ki, Paşinyanın Cıdır düzündə yallı getdi.O gecə Mehrab bu balaca uşaqları ilə bizdə idi. Nəvəm Ləman ona dedi ki, ata, siz necə hərbiçisiniz ki, Paşinyan Cıdır düzündə rəqs eləyir?.Mehran bir az tutuldu,qızardı. Ləmanın başını sığalladı,dedi ki,qızım, qoy oynasın.Vaxt gələcək ata onları oynadacaq. Oynatdı da. 

Mehrab ağır yaralanmışdı. Füzuliyə gətirmişdilər. Həmin vaxt Zaqataladan olan döyüş yoldaşına deyir ki, Şəmsəddin, bir bax gör bayrağı Şuşanın üstünə cancdılarmı?O da deyir ki, bəli sancıblar. Noyabrın 8-də -yarım saatdan sonra Mehrab əbədi olaraq gözlərini yumdu".

NamiqMƏMMƏDLİ
Sabaha-inamla.az





















Baxış sayı: 186


Bölməyə aid digər xəbərlər