Bütün xəbərlər
Uill Smit "Oskar" mübahisəsindən sonra ilk rolu qazanır
Tarix: 24-01-2023 21:08 | Bölmə: Mədəniyyət

Hollivud aktyoru Uill Smit "Oskar" hadisəsindən 10 ay sonra "Ələddinin davamı" filmində Cin obrazını canlandıracaq.

Sabaha-inamla.az rus mətbuatına istinadən xəbər verir ki, bu barədə “The Sun” məlumat yayıb.
Smit ilk dəfə 2019-cu ildə Ələddin filmində Cin rolunu oynayıb. İlkin məlumatlara görə, filmin davamında bu rol daha da həcmli və əhəmiyyətli olacaq.
Ssenarisinin “Min bir gecə”nin motivləri əsasında hazırlanacağı, çəkilişlərə ilin sonunda başlanacağı bildirilir.
"Bu, Uill-in "Oskar"dan sonra çəkəcəyi ilk filmlərdən biri olacaq. Bu filmin uşaqlar üçün çəkildiyini nəzərə alsaq, bu olduqca təəccüblüdür. O, öz üzərində çox iş görüb və hamı razılaşır ki, premyera vaxtı hər kəs artıq keçmişdə olacaq”, - "The Sun" film sənayesindəki mənbədən sitat gətirib.
Xatırladaq ki, ötən il 94-cü "Oskar" mərasiminin aparıcısı Kris Rok alopesiyadan əziyyət çəkən Smitin həyat yoldaşının saç düzümü ilə bağlı uğursuz zarafat etmişdi. Bundan sonra sənətçi stend ustasının üzünə vuraraq ondan bu cür zarafat etməyə cəsarət etməməsini tələb edib. Daha sonra Amerika Kino Akademiyası "Mən, Robot" və "Qara geyimli adamlar" filmlərinin ulduzuna 10 il ərzində onların tədbirlərində iştirakını qadağan edib. Uill Smit də öz növbəsində ABŞ Kino Sənəti və Elmləri Akademiyasından istefa verib.


Baxış sayı: 44


Bölməyə aid digər xəbərlər