Bütün xəbərlər
"Hainan" Beynəlxalq Film Festivalı koronavirus səbəbilə təxirə salınıb
Tarix: 01-12-2022 01:02 | Bölmə: Mədəniyyət

Dekabrın 3-dən 10-dək Çinin kurort şəhərində Sanyada keçirilməsi planlaşdırılan "Hainan" Beynəlxalq Film Festivalı qeyri-müəyyən müddətə təxirə salınıb.

Sabaha-inamla.az rus mətbuatına istinadən xəbər verir ki,Kinoforumun təşkilat komitəsinin məlumatına görə, bu qərar koronavirusun yayılması ilə bağlı çətin epidemioloji vəziyyətlə əlaqədar qəbul edilib.
Təşkilatçılar onu da bildiriblər ki, film festivalının yeni tarixləri əlavə olaraq elan olunacaq və festivalın vaxtı ilə bağlı vəziyyət dəqiqləşdikdən sonra tədbirdə iştirak üçün dəvətlər yenidən göndəriləcək.
Təşkilat komitəsinin məlumatına görə, "Haynan" Beynəlxalq Film Festivalında iştirak üçün dünyanın 116 ölkəsindən 3,7 mindən çox müraciət daxil olub. Əsas müsabiqə proqramına 12 bədii, 8 sənədli və 12 qısametrajlı film daxil olmalı idi. Festivalın “Qızıl hindistan cevizi” mükafatının 9 nominasiya üzrə – xüsusilə “Ən yaxşı film”, “Ən yaxşı rejissor”, “Münsiflər heyətinin xüsusi mükafatı” və digər nominasiyalarda verilməsi nəzərdə tutulmuşdu.


Baxış sayı: 61


Bölməyə aid digər xəbərlər