01:29 / 22-06-2021
Türkiyədə zəlzələ oldu
02:56 / 21-06-2021
Azərbaycanda zəlzələ oldu
Qırğız Respublikasının müvəqqəti işlər vəkili Beynəlxalq Türk Mədəniyyəti və İrsi Fondunun kitabxanasına kitablar hədiyyə edib
Tarix: 28-04-2021 23:58 | Bölmə: Mədəniyyət


Qırğız Respublikasının  Azərbaycan Respublikasındakı müvəqqəti işlər vəkili Muhammed Lou Beynəlxalq Türk Mədəniyyəti və İrsi Fondunu ziyarət edərək, qırğız ədəbiyyatına və incəsənətinə aid bir sıra kitablar bağışlayıb.
Hədiyyə edilən kitabların sırasında Türk Dünyasının qəhrəmanlıq dastanlarından olan“Manas”, “Semetei” və digər eposlar, eləcə də Qırğızıstanın görkəmli şair və yazıçıları tərəfindən qələmə alınan qırğız xalqının tarixinin, mədəniyyətinin əks olunduğu ədəbi nümunələr yer alır.
Fondun prezidenti Günay Əfəndiyeva Qırğız Respublikasının Azərbaycan Respublikasındakı müvəqqəti işlər vəkili Muhammed Louya Fonda bağışladığı kitablara görə təşəkkür edib. O, Türk Dünyasının ayrılmaz parçası, eləcə də Fondun qurucu üzv ölkəsi olan Qırğızıstanın mədəni, mənəvi, tarixi dəyərləriniehtiva edən kitabların rəhbəri olduğu qurum üçün xüsusi önəm daşıdığını vurğulayıb.
Muhammed Lou Fond tərəfindən türkdilli xalqların zəngin maddi və mədəni irsinin araşdırılması, qorunması və bəynalxalq aləmdə tanıdılması istiqamətində təqdirəlayiq işlər görüldüyünü və Qırğızıstanın bundan sonra da təşkilata hər cür dəstəyi göstərəcəyini bildirib.

Sabaha-inamla.az


Baxış sayı: 80


Bölməyə aid digər xəbərlər