16:29 / 21-04-2021
Stadnik yarımfinalda
11:04 / 21-04-2021
Ramiq Muxtar vəfat etdi
Şuşada Bülbülün evinin ilkin bərpa layihəsi hazırlandı - Video
Tarix: 14-02-2021 04:07 | Bölmə: Mədəniyyət

                    Şuşada Bülbülün evinin ilkin bərpa layihəsi hazırlandı


Şuşada Bülbülün evinin ilkin bərpa layihəsi hazırlanıb.
“Qafqazinfo”nun xəbərinə görə, bu barədə Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı İctimai Birliyinin sədri Faiq İsmayılov sosial media hesabında paylaşım edib.
O qeyd edib ki, müğənninin Şuşadakı evi 1992-ci il may ayında Ermənistan silahlı qüvvələri tərəfindən dağıdılıb:
“Müğənniyə ehtiram əlaməti olaraq Abidələri Müdafiə Təşkilatı İctimai Birliyinin  üzvü Tural Zeynalov tərəfindən evinin onlayn bərpası hazırlanıb.
Şuşa şəhərində olan 850-dən çox tarix və mədəniyyət abidələrinin layihə-smeta sənədləri hazırlanıb, abidələrə dəymiş zərərlər AMT üzvləri tərəfindən hesablanaraq, dövlət qrumlarına təqdim ediləcək”.
Qeyd edək ki, Bülbül (Murtuza Məşədi Rza oğlu Məmmədov – red.) Azərbaycan opera müğənnisi (lirik-dramatik tenor), təsnif ifaçısı, musiqi folkloru tədqiqatçısı, Azərbaycan peşəkar vokal sənətinin banisi, professor, SSRİ xalq artisti olub.


Baxış sayı: 85


Bölməyə aid digər xəbərlər
5-04-2021, 21:35 Rəmiş vəfat etdi