16:29 / 21-04-2021
Stadnik yarımfinalda
11:04 / 21-04-2021
Ramiq Muxtar vəfat etdi
“Oskar” mükafatı almış fransız rejissor vəfat etdi
Tarix: 09-02-2021 16:29 | Bölmə: Mədəniyyət

                    “Oskar” mükafatı almış fransız rejissor vəfat etdi


Fransız ssenarist və rejissor, “Xoşbəxt ildönümü” qısametrajlı filminə görə “Oskar”a layiq görülmüş Jan-Klod Karryer 89 yaşında dünyasını dəyişib.
“Qafqazinfo” bildirir ki, bu barədə “BFMTV” Karryerin qızına istinadən xəbər verib.
Onun sözlərinə görə, atası heç bir xəstəlikdən əziyyət çəkmirdi və Parisdəki evində yuxuda olarkən vəfat edib. O, həmçinin əlavə edib ki, Karryer doğulduğu Kolombyer-Sür-Orb kəndində dəfn olunacaq.
Karryer 140-dan artıq filmin ssenaristi kimi məşhurdur: “Burjuaziyanın təvazökar cazibəsi” (1972), “Varlığın dözülməz yüngüllüyü” (1989), “Sirano de Berjerak” (1990), “Van Qoq. Əbədiyyətin astanasında” (2018) və s. Karryer ona “Oskar” qazandıran “Xoşbəxt ildönümü” qısametrajlı filmində həm ssenarist, həm də rejissor qismində çıxış edib. O, həmçinin “Qırılma” (1961) və “Manikür qayçısı” kimi ekran əsərlərinin rejissoru olub.


Baxış sayı: 71


Bölməyə aid digər xəbərlər
5-04-2021, 21:35 Rəmiş vəfat etdi