Bütün xəbərlər
"Qənirə Paşayeva Türk sevdalısıdır, onun bu yolda bitib-tükənməyən enerjisi var..."
Tarix: 11-03-2020 00:36 | Bölmə: Mədəniyyət

                    

"Bir Millətin Vəkili Qənirə Paşayeva bu gün Can Azərbaycanın Mədəniyyət Komitəsinin sədri seçilməsi xəbəri məni çox sevindirdi. Bu gün eşitdiyim xəbərlər içərisində ən gözəl xəbərlərdən biri də bu oldu"
Bunu Moderator.az-a Türkiyyənin Azərbaycandakı keçmiş səfiri Hulusi Kılıç deyib.
Nüfuzlu diplomat Qənirə Paşayevaya yeni vəzifəsində  uğurlar arzu edib və işinin layiqincə öhdəsindən gələcəyinə inandığını bildirib:
"Azərbaycan qadınına olan güvən və dəyərin nümunəsi bu gün Azərbaycan tarixində yeni mərhələyə qədəm qoydu.  Gözəllik, müdriklik, sədaqət, mərdlik, qəhrəmanlıq, məğrurluq, xeyirxahlıq, humanizm, mərhəmət simvolu, milli-mənəvi dəyərlərimizin daşıyıcısı olan Qənirə Paşayeva bütün Türk dünyasının sevgisini və hörmətini qazanıb.  İnanıram ki, Bir millətin vəkili olduğu kimi, Bir millətin mədəniyyəti üçün də layiqincə çalışacaqdır. Hər zaman Avropa Şurası Parlament Assambleyasında Türkiyəyə dəstək çıxdı. Türkiyəyə olan haqsızlıqlara susmadığını mənim kimi hər kəs xatırlayır. Bunu heç vaxt unutmaq olmaz. Bizim Qənirə xanımla dialoqumuz olduğu zaman həmişə bir sözü işlətmişik. Azərbaycan üçün çalışmaq Türkiyə üçün çalışmaqdır, Türkiyə üçün çalışmaq Azərbaycan üçün çalışmaqdır. Hamımız bunun üçün fədakarlıqlar etməliyik.
İnanıram ki, Qənirə xanım öz yenilikləri və zəkası ilə Türk mədəniyyəti üçün önəmli qərarlar alacaq və bunun üçün çalışacaq. Qənirə Paşayeva Türk sevdalısıdır və onun bu yolda bitib-tükənməyən enerjisi var.
Bir daha Qənirə Paşayeva bacımı yeni vəzifəyə təyin olunması münasibətilə ürəkdən təbrik edir və ona şərəfli, məsuliyyətli işində uğurlar arzulayıram !"


Baxış sayı: 575


Bölməyə aid digər xəbərlər
23-03-2024, 13:08 Emindən ilk - Reaksiya