Bütün xəbərlər
ŞƏHİDİMİZ MAYOR TALEHƏ-Ədalət ƏROĞLU-FOTOLAR
Tarix: 07-11-2022 03:14 | Bölmə: Sosial
Baş redaktor Namiq MƏMMƏDLİ KƏŞFİYYATÇILARLA
BİRYERDƏ- ZİYARƏTDƏ
FOTOLAR Namiq MƏMMƏDLİNİNDİR


ŞƏHİDİMİZ MAYOR TALEHƏ

(Sumqayıtlı Şəhidimiz kəşfiyyatçı Mayor
Kərimov Taleh Adil oğluna ithaf edirəm)

Mayor Taleh mahir idi hər işdə,
Düşməninə qəbir qazdı, Mayorum.
Qəhrəmanlıq göstərərək, döyüşdə,
Öz qanıyla tarix yazdı, Mayorum.

Əsir yurdum xilaskarın gözlədi,
Öndə getdi, əsgərlərin səslədi,
Ürəyində Zəfər hissin bəslədi,
Öz qanıyla tarix yazdı, Mayorum!

Kəşfiyyatda kəşf edirdi yurdları,
Hər vuruşda məhv edirdi "qurdları",
Dar günündə sirdaş bildi qurdları,
Öz qanıyla tarix yazdı, Mayorum!

"Vətəni qoymaram mən darda"-dedi;
"Axı, sahib mənəm, bu yurda"-dedi;
"Yaşasın millətim baharda"-dedi;
Öz qanıyla tarix yazdı, Mayorum!

Bayrağını qaldıraraq havaya,
Səsləyirdi Türk oğlunu, davaya,
Baxmayırdı şaxta, boran, qovğaya,
Öz qanıyla tarix yazdı, Mayorum!

Əroğlu söz açdı qəhrəmanından,
Taleh el yolunda keçdi canından,
Adı dastanlaşdı doğulan andan-
Öz qanıyla tarix yazdı, Mayorum!

ALLAH BÜTÜN ŞƏHİDLƏRİMİZƏ RƏHMƏT ELƏSİN!

RUHU ŞAD, MƏKANI CƏNNƏT OLSUN.

AYB və AJB-nin üzvü,
Hüquqşünas, şair
Qafarov Ədalət İzzət oğlu (ƏROĞLU)

30.10.2022




Baxış sayı: 242


Bölməyə aid digər xəbərlər