Dərs dediyi fənni şagirdlərinə sevdirməyi bacaran müəllim
Tarix: 23-06-2021 00:27 | Bölmə: Sosial


Müəllimlik şərəfli peşədir. Bu peşədə çalışan nümunəvi müəllimlərimiz çoxdur. Onlardan biri də Əliyeva Bikəxanım Əyyub qızıdır. O, 1957-ci ildə mart ayının 18-də Qubadlı rayonunun  Teymur Müskanlı kəndində ziyalı ailəsində anadan olub. Uşaqlıq illərini şən-firəvan yaşayıb. Erməni işğalı altınd olan kəndlərinin  çox gözəl mənzərəsi var idi. Həmin kənd Səlk dağının ətəyində, Bərgüşad çayının sahilində yerləşir. Gözəl bulaqları var idi. Kəndlərinin bu cür füsünkar təbiətə malik olması  insanların sağlamlığına, uzun ömürlülüyünə səbəb olmuşdur.
O, orta məktəbi 9-cu sinifə qədər kəndlərində oxuyub. 10-cu sinifi isə hal-hazırda işlədiyi məktəbdə bitirib. Yaxşı oxuyub. Mütaliəni sevib. Ədəbiyyatçı olmaq istəyib. Amma təbiəti çox sevdiyi üçün sənədlərimi Azərbaycan Dövlət Pedaqoji İnstitutunun coğrafiya fakültəsinə verib. Həmin ali məktəbə daxil olub. Oranı 1980-ci ildə bitirib. Elə həmin ildən iş fəaliyyətinə öz doğma kəndlərində başlayıb. Dərs dediyi fənni şagirdlərə sevdirə bilib. Məktəbin ictimai işlərində fəal olub. Fəal olduğu üçün onu 1986-cı ildə təşkilatçı müavin təyin ediblər.
Hazırda Sumqayıt şəhərində yaşayır. 2009-cu ildən Əliquluuşağı kənd tam orta məktəbində  təlim-tərbiyə işləri üzrə direktor müavini vəzifəsində çalışır. Həmişə çalışıb ki, kollektivin rəğbətini qazansın.
1986-cı ildə ailə qurub. Bütün ömrümü, həyatımı oğluna bağlayıb. Onun təlim-tərbiyəsi ilə məşğul olub. Oğlu orta məktəbi türk liseyində oxuyub. 2001-ci ildə Bakı Dövlət Universitetinin  hüquq və beynəlxalq əlaqələr fakültəsinə daxil olub. Oranı yaxşı qiymətlərlə bitirərək təhsilini davam etdirmək üçün  Türkiyəyə gedib. Magistraturanı orada bitirib. Yaxşı oxuduğu üçün onu ABŞ-a göndəriblər. Orada Universiteti bitirərək vətənə qayıdıb. Hazırda Azərbaycan Televiziyasında  çalışır.
Bikəxanım müəllimə  bunlara nail olmaq üçün çox əzablı yolla r keçib. Keçdiyi bu əzablı yollara boylanıb baxanda özü özümə sual verir ki,  tək bu yolları necə keçib?
Şükürlər olsun ki,  Ali Baş Komandan İlham Əliyevin rəhbərliyi altında  müzəffər ordumuz artıq işğal altında olan tortaqlarımızı-Bikəxanım müəllimin uzun illər həsrətində qaldığı kəndi işğaldan azad edib. Oda həmkəndliləri kimi  doğma kəndlərinə qayıtmağı səbirsizliklə gözləyir.
Biz peşəsini ürəkdən sevən, vətənpərvər insan ,uzun illər savadlı, bilikli şagirdlər yetişdirən Bikəxanım müəllimə can sağlığı və işlərində uğurlar arzulayırıq!

N. MƏMMƏDLİ
Sabaha-inamla.az

 


Baxış sayı: 75


Bölməyə aid digər xəbərlər