Bütün xəbərlər
Şəhid Rüfət Mustafayevin dəfn olunduğu gün qeyd olundu
Tarix: 13-10-2022 23:55 | Bölmə: Reportaj


    Sumqayıt şəhərində "Yeni həyat" şadlıq sarayında şəhidlik zirvəsinə  ucalmış Rüfət Mustafayevin dəfn olunduğu gün qeyd olunub.

    Şəhid ailələri, qazilər, ictimayyət nümayəndələri,Qubadlı rayon icra Hakimiyyətinin başçısı Malik İsaqov və rayonun rəhbər şəxsləri əvvəlcə şəhidin məzarını ziyarət ediblər,onun önünə gül dəstəsi qoyublar.                Məktəblilər şəhidlərə həsr olunmuş şeir söyləyib. Quran oxunub.
    Şəhidin atası Zöhrab Mustafayev şəhidin məzarını ziyarət edən və onlara mənəvi dəstək olan hər bir kəsə öz minnətdarlığını bildirib. 
Şadlıq sarayında davam edən tədbirdə Dövlət himni səslənib.Şəhidlərimiz bir dəqiqəlik sükutla yad olunub. Məttahlar ilahi mahnılar oxuyublar.
Şəhid Abdullanın atası Hacı Əhməd şeir söyləyib.

Rüfət Mustafayev 12 mart 1996-cı il Sumqayıt şəhərində dünyaya göz açmışdır. İbtidai təhsilinə 2002-ci ildə Sumqayıt şəhəri 18 nömrəli məktəbdə almağa başlamış və 2013-cü ildə həmin məktəbdə məzun

                       
                       

olmuşdur. Elə həmin il dövlət imtahanını uğurla keçərək Azərbaycan Texniki Universitetinin "Maşınqayırma və robototexnika" fakültəsinə qəbul olunub. 2019-cu ildə Azərbaycan Silahlı Qüvvələri Quru Qoşunlarının sıralarında həqiqi hərbi xidmət keçmək üçün ordu sıralarına könüllü getmişdir.

                        
                        

27 sentyabr tarixində Azərbaycan-Ermənistan arasında başlanmış Vətən müharibəsinə əsgər Rüfət Mustafayev də qatılmışdır. Döyüşlərin ən qaynar nöqtələrində xidmətinə davam etmişdir. 2020-ci il oktyabrın 9-dan 10-a keçən gecə Ağdərə istiqamətində gedən şiddətli döyüşlər


                       
                        

zamanı Ermənistan Silahlı Qüvvələrinin hücum cəhdinin qarşısını alarkən idarə etdiyi minik avtomobili ilə minaya düşərək komandiri Polkovnik-leytenant Cəfərov Zaur ilə birlikdə qəhrəmancasına həlak olmuşdur.
Oktyabrın 13-də əsgər Rüfət Mustafayevin nəşi əvvəlcə valideynlərinin



                        
                        

yaşadığı Sumqayıt şəhərinə gətirilmişdir. Şəhidin cənazəsi yaşadığı ərazidə izdihamla qarşılanmışdır. Oradan avtomobil karvanı ilə Sumqayıt Şəhidlər Xiyabanına yürüş olmuşdur. Rüfət həmin gün Sumqayıt şəhərinin dövlət rəsmilərinin, icra nümayəndəliklərinin, rəhbər şəxslərin və şəhər sakinlərinin iştirakı ilə yaylım atəşi ilə təntənəli şəkildə torpağa tapşırılmışdır.

                        
                        
O, ölümündən sonra Azərbaycan Respublikası Prezidentinin Sərəncamı ilə "Vətən uğrunda" medalı, Suqovuşanın azad olunmasına görə","Cəsur döyüşçü" medalı təltif edilib.

Namiq MƏMMƏDLİ
Sabaha-inamla.az








Baxış sayı: 369


Bölməyə aid digər xəbərlər