Bütün xəbərlər
Şəhid kapitan Anar Heydərovun oğlu kapitan olmaq istəyir-Biz ona general olmağı arzuladıq-VİDEO
Tarix: 03-10-2022 23:38 | Bölmə: Reportaj

Baş redaktor Namiq MƏMMƏDLİ şəhid kapitan Anar Heydərovun oğlu Emillə


                      
Şəhid kapitan Anar Heydərovun şəhidlik zirvəsinə ucaldığı gün onun yaşadığı Corat qəsəbəsindəki mənzildə olduq. Şəhidimiizn valideynləri, əzizləri, yaxınları ilə söhbət etdik. 
Şəhidimiizn dayısı Məhəmməd müəllimi onun haqqında bunları dedi: "Anar qorxmaz bir oğlan idi.Onun uşaqlıqdan hərbiyə həvəsi var idi. O arzusuna da gedib çatdı. Ali məktəbə qəbul oldu, hərbiçi oldu. Dosta, tanışa, qohum-əqrabaya yaxın duran, onlara köməlik göstərən bir oğul idi. Mən onun qəhrəmanlığı ilə fəxr edirəm. Fəxr edirəm ki, Vətən uğrunda qəhrəmancasına şəhid oldu. Azyaşlı oğlu Emil deyir ki, mən kapitan olacağam, atamın arzusunu yerinə yetirəcəyəm. 
Şəhidimizin qızı KübraTTEL-də oxuyur. Riyaziyyat fənnini çox sevir".
   Anar Bəhruz oğlu Heydərov 1 iyun 1988-ci ildə Sumqayıt şəhərində anadan olmuşdur.
    Anar Heydərov 2006-cı ildən Azərbaycan Silahlı Qüvvələrinin sıralarında zabit idi.
    2016-cı il aprelin 1-dən 2-nə ötən gecədən başlayaraq Azərbaycan və Ermənistan Silahlı Qüvvələrinin bölmələri arasında cəbhənin Tərtər və Cəbrayıl-Füzuli istiqamətlərində şiddətli döyüşlər başladı. Tarixə Aprel döyüşləri olaraq yazılan hərbi əməliyyatlarda Anar Heydərov da yaxından iştirak etmişdir.
Azərbaycan Ordusunun kapitanı olan Anar Heydərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Suqovuşanın azadlığı uğrunda gedən döyüşlərdə vuruşmuşdur. Anar Heydərov 3 oktyabr 2020-ci ildə Tərtər rayonunun Suqovuşan qəsəbəsində döyüş tapşırığının yerinə yetirilməsi zamanı həlak olmuşdur.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 24.06.2021-ci il tarixli Sərəncamına əsasən Anar Heydərov ölümündən sonra "Vətən uğrunda" medalı ilə təltif edildi.
Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Anar Heydərov ölümündən sonra "Suqovuşanın azad olunmasına görə" medalı ilə təltif edildi.


Namiq MƏMMƏDLİ
Sabaha-inamla.az


https://www.facebook.com/namiq.
memmedli.9/videos/4952724461496279














Baxış sayı: 214


Bölməyə aid digər xəbərlər