“Zəfər yolu” layihəsi çərçivəsində Saatlı rayonunda tədbir keçirildi
Tarix: 14-03-2022 21:07 | Bölmə: Reportaj

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, “Vətənpərvərliyin İnkişafına Dəstək” İctimai birliyinin təşkilatçılığı ilə keçirilən Aprel döyüşləri və 44 günlük "Vətən müharibəsinə" həsr olunan "Zəfər yolu" layihəsi çərçivəsində 7 mart 2022-ci il tarixində Saatlı rayonunda müharibə iştirakçıları, şəhid ailələri və qazilərin iştirakı ilə Saatlı Gənclər Evində tədbir keçirildi.Tədbir “Vətənpərvərliyin İnkişafına Dəstək” İctimai birliyinin sədri Vəliyev Aydının çıxış nitqi ilə açıq elan olundu.
Tədbirdə şəhid Ariz Məhərrəmovun anası Leyla xanım, şəhid Oktay Səfərovun anası Zülfiyyə xanım, şəhid İsa Hüseynovanın anası Vüsalə xanım, şəhid Xalid Nəziyevin anası Əzizgül xanım çıxış etdilər. Şəhid Natiq Rəşidovun kiçik yaşlı oğlu Vahid tədbirdə şeir söyləyərək iştirakçılarda duyğulu anlar yaşatdı. Daha sonra, tədbirdə iştirak edən Saatlı rayonu İcra Hakimiyyəti şəhid ailələri və mühaibə iştirakçıları ilə işin təşkili üzrə şöbə müdiri Fərhad Mürsəlov çıxış edərəkAzərbaycanın ərazi bütövlüyü uğrunda öz canından keçmiş şəhid ailələrinə, həmçinin müharibə əlillərinə dövlət tərəfindən hər zaman böyük diqqət və qayğı göstərilməsi barədə iştirakçıları  məlumatlandırıb.
Daha sonra, Saatlı rayonu musiqi məktəbinin direktoru Ramella İsmayılova, Saatlı rayonu peşə liseyinin tərbiyə işləri üzrə direktor müavini Könül Sadıqova və “Göyərçin”-Təhsilin İnkişafına Dəstək İctimai Birliyinin sədri Gülnarə Vəlixanlı çıxış edib.
Sonda, 8 mart-Beynəlxalq Qadınlar Günü münasibətilə şəhid ailələrinin xanımlarına hədiyyələr təqdim olundu.
Son olaraq“Vətənpərvərliyin İnkişafına Dəstək” İctimai birliyinin sədri Vəliyev Aydın çıxış edərəklayihənin Saatlı rayonunda həyata keçirilməsində göstərdikləri xüsusi diqqətə görə Saatlı rayonu İcra Hakimiyyətinə, Saatlı Gənclər Evinin rəhbərliyinə və əməkdaşlarına təşəkkür etdi.
Qeyd edək ki, Aprel döyüşləri və 44 günlük "Vətən müharibəsinə" həsr olunan "Zəfər yolu" layihəsinin məqsədi
Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi zəfərin gənclərə nümayiş etdirilməsi, şəhidlərimizin əziz xatirəsinin əbədiləşdirilməsi məqsədilə tədbirlərin həyata keçirilməsidir. Layihə çərçivəsində İmişli, Saatlı, Hacıqabul və Sabirabad rayonlarında silsilə tədbirlər keçirilməsi nəzərdə tutulur.










Baxış sayı: 201


Bölməyə aid digər xəbərlər