Şəhidin həyat yoldaşı:"Yoldaşımın yoxluğu ilə barışmıram, onu yanımda görürəm, mənim qəhrəmanımdır, oğlumuzla bağlı çox xəyallarımız var idi"-VİDEOLAR+FOTOLAR
Tarix: 10-12-2021 21:52 | Bölmə: Reportaj
                       
   Sumqayıtda "Ceyran" şadlıq sarayında şəhidlik zirvəsinə ucalmış Fariz Şıxalıyevin doğum günü keçirilib.
             

    Tədbirdə şəhid ailələri, qazilər, Şamaxı rayon İcrahakimiyyətinin başçısı
                     
Tahir müəllim, müavini Hikmət Şikarov, məsul işçiləri, Milli Məclisin
                     
deputatı Tamam Cəfərova, Sumqayıt şəhər İcra hakimiyyətinin məsul şəxsləri, ictimayyət nümayəndələri, ziyalılar, jurnalistlər iştirak ediblər. 
Sabaha-inamla.az
tədbirdən çəkilən videoları və fotoları təqdim edir:

           

Fariz Şahverdi oğlu Şıxalıyev 1987-ci il dekabrın 10-da Sovet Sosialist Respublikaları İttifaqının Xabarovsk vilayətində anadan olub.[1] 1994-2004-cü illərdə A.A.Rəcəbov adına Qaravəlli kənd tam orta məktəbində,
                      
2006-2011-ci illərdə Azərbaycan Tibb Universitetinin Hərbi Tibb fakültəsində “feldşer” ixtisası üzrə təhsil alıb. Ailəli idi. Bir oğul övladı yadigar qaldı.
                      
Fariz Şıxaliyev 2011-ci ildə Azərbaycan Silahlı Qüvvələrinin Beyləqan rayonunda yerləşən “N” saylı hərbi hissəsində “gizir” hərbi rütbəsi altında xidmətə başlayıb.
                     
2014-cü ildən Xüsusi Təyinatlı Qüvvələrin sıralarında xidmətini davam etdirirdi.
Fariz Şıxalıyev 2016-cı ilin 2-5 aprelində baş tutan döyüşlər zamanı Talış yüksəkliyi istiqamətində savaşıb.
                      
Azərbaycan Ordusunun giziri olan Fariz Şıxalıyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı FüzuliCəbrayılXocavəndQubadlı və Zəngilanın azadlığı uğrunda gedən döyüşlərdə iştirak edib.
                      
Fariz Şıxalıyev oktyabrın 27-də Xocavənd istiqamətində gedən döyüşlər zamanı şəhid olub. Şamaxı Şəhidlər Xiyabanında dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların

                     
icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Fariz Şıxalıyev ölümündən sonra "Vətən uğrunda" medalı ilə təltif edildi.
Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi


ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Fariz Şıxalıyev ölümündən sonra "Cəsur döyüşçü" medalı ilə təltif edildi.
Namiq MƏMMƏDLİ
Sabaha-inamla.az








































































Baxış sayı: 154


Bölməyə aid digər xəbərlər