Şəhid anası: "Oğlum torpaqlarımızın bütövlüyü uğrunda son nəfəsinədək vuruşdu"-VİDEOLAR+FOTOLAR
Tarix: 14-11-2021 02:37 | Bölmə: Reportaj

    Sumqayıtda şəhidlik zirvəsinə ucalmış Səbuhi Əlixan oğlu Həsənquliyevin anım günü keçirilib.
    Tədbirdə şəhid ailələri, qazilər, Sumqayıt şəhərinin icra başçısı Zakir Fərəcov və digər məsul şəxslər, ictimayyət nümayəndələri, ziyalılar, jurnalistlər, sənət adamları iştirak ediblər. 

 Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Sumqayıt şəhər baş idarəsinin rəisi-general-mayor Natiq Qarayev Prezident tərəfindən təltif olunan “İgidliyə görə” medalını şəhidin valideyninə təqdim edib.
Sabaha-inamla.az tədbirdən çəkilən videoları və fotoları təqdim edir:
                     
    Səbuhi Həsənquliyev 11 aprel 2002-ci ildə Ucar rayonunun Boyat kəndində anadan olmuşdur. 2008-ci ildə Sumqayıt şəhər Cəbrayıl rayonu 5N-li məktəbində birinci sinifə başlayır. 2017-ci ildə həmin məktəbin 9-cu sinifini bitirərək peşə liseyinə daxil olur.
            

    2020-ci ildə peşə liseyini bitirdikdən sonra həmin ilin aprel ayında hərbi xidmətə yollanır. Səbuhi Böyük Vətən Müharibəsi zamanı xüsusi şücayət göstərmiş və gedən döyüşlər zamanı şəhid olmuşdur.
                    
    Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Səbuhi Həsənquliyev ölümündən sonra "Vətən uğrunda" medalı ilə təltif edildi.
             

  Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səbuhi Həsənquliyev ölümündən sonra "Xocavəndin azad olunmasına görə" medalı ilə təltif edildi.
Namiq MƏMMƏDLİ

Sabaha-inamla.az
































Baxış sayı: 337


Bölməyə aid digər xəbərlər