01:29 / 22-06-2021
Türkiyədə zəlzələ oldu
Sabahın tədqiqatçısı beynəlxalq müsabiqənin diplomuna layiq görülüb
Tarix: 05-05-2021 23:45 | Bölmə: Reportaj


     AMEA Naxçıvan Bölməsi və Naxçıvan Muxtar Respublikası Təhsil Nazirliyinin birlikdə həyata keçirdiyi “Sabahın tədqiqatçıları” layihəsinin daha bir iştirakçısı mükafatlandırılıb.
    AMEA Naxçıvan Bölməsinin mətbuat xidmətindən Sabaha-inamla.az-a verilən məlumata görə Bölmənin Bioresurslar İnstitutunun Biokimyəvi tədqiqatlar laboratoriyasının rəhbəri, biologiya üzrə fəlsəfə doktoru Surə Rəhimovanın elmi rəhbərliyi ilə tədqiqat aparan Naxçıvan şəhər 5 № li tam orta məktəbin IX sinif şagirdi Şərəf Zeynalovanın


“Naxçıvan Muxtar Respublikası florasında Fabaceae Lindl. fəsiləsinə daxil olan növlərin bioloji və fitokimyəvi xüsusiyyətləri” adlı məqaləsi “Rusiya Federasiyası Pedaqoji Layihələr Akademiyası” Ümumrusiya informasiya-təhsil portalının keçirdiyi müsabiqədə II dərəcəli diplom və sertifikatla təltif edilib. Elmi rəhbər Surə Rəhimova isə gələcək tədqiqatçıya göstərdiyi səmərəli rəhbərliyə görə müsabiqənin münsiflər heyətindən təşəkkür məktubu alıb.
    Məlumat üçün qeyd edək ki, məktəbli Şərəf Zeynalova


“Astragalus tragacantha L. (Kitrəli gəvən) növündən kitrələrin alınması, təmizlənməsi və tətbiq sahələrinin öyrənilməsi” adlı tədqiqatla məşğuldur. Layihənin əsas məqsədi kitrəli gəvən növünün fitokimyəvi tərkibinin ən son metodikalar tətbiq edilməklə öyrənilməsi, bitkidən kitrələr əldə olunması və müxtəlif sahələrdə istifadə perspektivlərinin araşdırılmasından ibarətdir.
Sabaha-inamla.az



Baxış sayı: 91


Bölməyə aid digər xəbərlər