Sumqayıtda “Zəfər tarixinin rəngləri” adlı sərgi keçirildi
Tarix: 28-10-2021 00:26 | Bölmə: Mədəniyyət

    Sumqayıt şəhər Gənclər və İdman Baş İdarəsi və Sumqayıt Dövlət Rəsm Qalereyasının birgə təşkilatçılığı ilə Qalereyada 44 günlük Vətən müharibəsinə həsr edilmiş “Zəfər tarixinin rəngləri” adlı rəsm sərgisi keçirilmişdir.
    Mövcud pandemiya qaydalarına uyğun olaraq təşkil olunan sərgidə yeniyetmə və gənc rəssamların əl işləri nümayiş etdirilmişdir.
Əvvəlcə qonaqlar torpaqlarımızın ərazi bütövlüyü uğrunda canından keçmiş şəhidlərimizin ruhunu bir dəqiqəlik sükutla yad etmiş, daha sonra sərgiyə baxış keçirmişlər.


    Tədbirdə çıxış edənlər Baş İdarənin rəisi Elgün Hümbətov, Rəsm Qalereyasının direktoru Ellada Həsənova Ali Baş Komandan cənab İlham Əliyevin rəhbərliyi ilə ordumuzun qazandığı şanlı qələbədən danışmış, sərginin 44 günlük Vətən müharibəsinin əbədiləşdirilməsi, gənclərin vətənpərvərlik ruhunun yüksəldilməsi, istedadlı və yaradıcı gənclərin üzə çıxarılması və asudə vaxtlarını səmərəli təşkil etmək məqsədilə keçirildiyini qeyd etmişlər.
    Sonda gənc rəssamlar sərgidə fəal iştiraklarına görə Baş İdarənin diplom və hədiyyələri ilə təltif edilmişlər.
Tədbirin bədii hissəsində gənclər şeir və musiqi kompozisiyaları ilə çıxış etmişlər.

Sabaha-inamla.az











Baxış sayı: 132


Bölməyə aid digər xəbərlər