Bütün xəbərlər
Şəhid baş leytenant Şəhriyar Əlibəyli Vətən müharibəsinin iştirakçısı olub - FOTO
Tarix: 06-03-2023 01:42 | Bölmə: Gündəm


Martın 5-də səhər saatlarında qeyri-qanuni erməni birləşmələrinin törətdikləri təxribat nəticəsində şəhid olan Azərbaycan Ordusunun hərbi qulluqçusu, 29 yaşlı baş leytenant Əlibəyli Şəhriyar Ramiz oğlu Qəbələ rayonunun Vəndam qəsəbəsində anadan olub.
Sabaha-inamla.az xəbər verir ki, “Report”un Şimal-qərb bürosunun məlumatına görə, onun sabah yaşadığı Bakı şəhərində dəfn olunacağı bildirilir.
Qeyd edək ki, Şəhriyar Əlibəyli subay olub, ailənin yeganə övladı idi. O, 1994-cü ildə Qəbələ rayonu Vəndam qəsəbəsində doğulub.



Daha sonra ailəsi ilə birlikdə Bakı şəhəri, Yasamal rayonu Badamdar qəsəbəsinə köçüblər. 2012-ci ildə 236 saylı tam orta məktəbi bitirib. Heydər Əliyev adına Hərbi İnstitutun məzunu olan baş-leytenant Ş. Əlibəyli Vətən müharibəsinin iştirakçısı olub.
Prezident İlham Əliyevin sərəncamları ilə “Şuşanın azad olunmasına görə” və “Xocavəndin azad olunmasına görə” medalları ilə təltif edilib.



Baxış sayı: 261


Bölməyə aid digər xəbərlər