Bütün xəbərlər
Şəhidin anası:" Onun yoxluğundan çox əziyyət çəkirəm, bir ətrini, bir qoxunu duymaq istəyirəm"
Tarix: 25-10-2022 23:27 | Bölmə: Gündəm


 
Fəxri Xiyabanda 44 günlük müharibədə şəhidlik zirvəsinə yüksəlmiş leyetenant Fərid Məmmədovun şəhi dolmasının ikinci ildönümü keçirilib.
Tədbirdə Abşeron rayon İcra Hakimiyyətinin başçısı Abdin Fərzəliyev, general-leytenant Əfqan Nağıyev, şəhidin ailə üzvüləri, yaxınları,oxuduğAbşeron rayonu Xırdalan şəhərinin 2 saylı orta məktəbin ibtidai isnif şagirdləri,ictimayyət nümayəndələri iştirak ediblər. Şəhidin qəhrəmanlığından, onun göstərdiyi şücaətdən danışıblar. Məktəblilər vətənpərvər ruhlu şeirlər söyləyiblər.

              

Şəhidin anası Kifayət xanım oğlu haqqında belə deyib: "Fərid artıq iki ildir aramızda yoxdur. Mənə elə gəlir ki, dünən olub bu iş.Çox çətindir. Onun yoxluğundan çox əziyyət çəkirəm. Hər dəqiqə, hər saniyə bir ətrini, bir qoxunu duymaq istəyirəm. Mənim oğlum qəhrəmandır. Fəxr edirəm oğlumla. Şəhid olmamışdan bir saat qabaq mənimla danışdı. Dedi, mama hər şey yaxşıdır, narahat olma. Səhər şəhid xəbəri gəldi".

                  

Fərid Məmmədov 29 Aprel 1990- cu il tarixində Abşeron rayounu Xırdalan şəhərində anadan olmuşdur. 1997-2008-ci illərdə Abşeron rayonu Xırdalan şəhərinin 2 saylı orta məktəbin rus bölməsində təhsil alıb. 2014-2019-cu illərdə Azərbaycan Dövlət Bədən Tərbiyəsi və İdman Akademiyasının - Vətəni müdafiə ixtisası üzrə bakalavr təhsili almışdır. Ailəli idi, bir oğlu var.

             


Fərid Məmmədov 2008-2010-cu illərdə AR Müdafiə Nazirliyinin Hava Hücumdan Müdafiə və Hərbi Hava Qüvvələrində hərbi xidmətdə olmuşdur. 2010-2016-cı illərdə AR DİN Daxili Qoşunlarında müddətdən artıq həqiqi hərbi xidmət qulluqçusu kimi xidmət etmişdir. 2017-ci ildə Müdafiə Nazirliyin 3 aylıq gizir hazırlığı kursunu bitirdikdən sonra Təlim Tədris Mərkəzinə təyin olunmuş, 2019-cu il dekabr ayında Təlim Tədris Mərkəzinin Ehtiyat Zabitlər kursunu bitirərək ilk hərbi zabit rütbəsi olan “leytenant” rütbəsini almış və Tağıyev qəsəbəsində yerləşən N saylı hərbi hissədə “tağım komandiri” vəzifəsinə təyin olunmuşdur.
   


Azərbaycan Ordusunun leytenantı olan Fərid Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi uğrunda başlanan Vətən müharibəsi zamanı oktyabr ayının 6-da cəbhənin Füzuli-Cəbrayıl istiqamətinə ezam olunmuş və oktyabr ayının 25-də Xocavənd istiqamətində gedən döyüşlərdə qəhrəmancasına həlak olmuşdur. 26 Oktyabr tarixində Bakı şəhəri 2-ci Fəxri Xiyabanda dəfn edilmişdir.
    Şəhid Fərid Məmmədova məxsus materiallar ailəsi tərəfindən Milli Azərbaycan Tarixi Muzeyinin Vətən müharibəsi fonduna təhvil verilmişdir.



Namiq MƏMMƏDLİ
Sabaha-inamla.az




















































Baxış sayı: 238


Bölməyə aid digər xəbərlər