Millət vəkili Qanlı Yanvar faciəsinin ildönümü ilə əlaqədar şəhidlərimizin əziz xatirəsini yad edib
Tarix: 21-01-2021 20:02 | Bölmə: Gündəm


Qanlı Yanvar faciəsindən 31 il ötür, xalqımız faciə qurbanlarını dərin ehtiram və hüznlə anır. Millət vəkili Könül Nurullayeva Qanlı Yanvar faciəsinin ildönümü ilə əlaqədar Keşlə qəsəbəsində yerləşən Şəhidlər Xiyabanında olub, şəhidlərimizin əziz xatirəsini yad edib.
“Qanlı Yanvar faciəsi qurbanlarının simasında I Qarabağ savaşında, eləcə də 44 günlük Vətən Müharibəsində dünyasını dəyişən bütün şəhidlərimizə Allahdan rəhmət diləyir, qazilərimizə şəfalar arzulayıram. Vətən uğrunda bu günədək canından keçən bütün igidlərimizin və günahsız soydaşlarımızın ruhu şaddır”,-deyə millət vəkili bildirib. K.Nurullayeva qeyd edib ki, 20 Yanvarın faciəsi ümumxalq hüzn günü olmaqla yanaşı, həm də Azərbaycan xalqının iradəsinin sarsılmazlığını, mətinliyini göstərdi. Sovet ordusunun amansızlığına və qəddarlığına, Bakıda fövqəladə vəziyyət tətbiq edilməsinə baxmayaraq, Azərbaycan xalqı yanvarın 22-də paytaxtın “Azadlıq” meydanında 2 milyona yaxın insanın iştirakı ilə şəhidlərin dəfni ilə əlaqədar matəm yürüşü keçirdi: “Bu hadisə Azərbaycanda dövlət müstəqilliyinin bərpa edilməsi istiqamətində mühüm hadisə oldu. Əsası ümummilli lider Heydər Əliyev tərəfindən qoyulan və prezident İlham Əliyevin uğurla davam etdirdiyi güclü dövlət quruculuğu siyasəti nəticəsində işğal altındakı torpaqlarımız azad edildi. Tarixi ədalət bərpa olundu. Beləliklə, 30 ildən sonra biz Şəhidlər Xiyabanına fəxr hissi və
Qələbə müjdəsi ilə gedirik.  Müzəffər Ali Baş Komandanın rəhbərliyi ilə  şanlı Azərbaycan Ordusu şəhidlərimizin qanını yerdə qoymadı, onların qisası alındı.”
Sabaha-inamla.az











Baxış sayı: 75


Bölməyə aid digər xəbərlər