Bütün xəbərlər
İlham Əliyev Tovuzdakı döyüşdən danışdı - Video
Tarix: 13-07-2020 14:41 | Bölmə: Gündəm

                  İlham Əliyev Tovuzdakı döyüşdən danışdı - Video


Xəbər verdiyimiz kimi, Azərbaycan Prezidenti İlham Əliyevin sədrliyi ilə Təhlükəsizlik Şurasının iclası keçirilib.
"Qafqazinfo"nun məlumatına görə, Prezident İlham Əliyev çıxışında bildirib ki, Ermənistan Azərbaycan-Ermənistan dövlət sərhədinin Tovuz istiqamətində növbəti hərbi təxribat törədib: “Birinci dəfə deyil ki, dövlət sərhədində Ermənistan tərəfindən hərbi təxribatlar törədilir. Son bir neçə ay ərzində bu hərbi təxribatlar nəticəsində bizim hərbçilərimiz, eyni zamanda mülki şəxslər həlak olub. Dünən günorta saatlarında onların növbəti təxribatı nəticəsində bir neçə hərbçi həlak olub. Qəflətən bizim hərbi postumuza artilleriya atəşi vurulub. Bu çirkin əməl nəticəsində hərbçilərimiz həlak olub və yaralanıb. Allah şəhidlərimizə rəhmət eləsin. 
Yaralı hərbçilərimizə Allahdan şəfa diləyirəm. Deyə bilərəm ki, Ermənistanın növbəti təxribatının qarşısı qətiyyətlə alınıb. Adekvat cavab verilib. 
Hərbçilərimizin qisası alınıb. Ermənistan tərəfinin bütün cəhdləri iflasa uğradı. Azərbaycan öz dövlət sərhədini qorudu. Bir santimetr belə Ermənistan əsgərləri Azərbaycan torpağına keçə bilməyib. Bu gün sərhəddə gərgin vəziyyət davam edir. Dünən gecə bütün aidiyyəti komandalarla, qurumlarla əlaqədəydim. Bu gün səhər tezdən də mənə operativ məlumat verilib. Sərhəddə vəziyyət sabitləşməyib”.
Dövlət başçısının dünənki döyüşdən danışdığı videonu təqdim edirik:

             


Baxış sayı: 453


Bölməyə aid digər xəbərlər
7-02-2024, 19:00 Səsvermə başa çatdı