Bütün xəbərlər
Ukraynada yaşayan 84 Ahıska türkü Türkiyəyə gətirilir
Tarix: 19-11-2022 03:09 | Bölmə: Cəmiyyət

Ukraynanın Xerson şəhərində yaşayan 84 Ahıska türkü mövcud müharibə şəraiti ilə əlaqədar Rusiya Federasiyası vasitəsilə Türkiyəyə gətirilir.
Sabaha-inamla.az türk mətbuatına istinadən xəbər verir ki,diplomatik mənbələrdən əldə edilən məlumata görə, 84 Ahıska türkü Rusiya üzərindən Türkiyəyə gəlmək üçün oktyabrın 31-də Xersondan yola düşüb. Lakin qrupdakı şəxslərdən bəziləri sənədlərindəki çatışmazlıqlar səbəbindən Rusiyaya daxil ola bilməyib.
Kremldəki Türkiyənin Moskva səfirliyi, Rusiya Xarici İşlər, Daxili İşlər və Müdafiə nazirliklərinin intensiv səyləri və Xarici İşlər Nazirliyinin Rusiyanın Ankaradakı səfirliyi ilə apardığı işlər nəticəsində lazımi icazələr alınıb.
Görülən səylərlə 84 nəfərlik qrup bu gün Krım üzərindən Rusiyaya daxil olub. Hazırkı konvoyun bu gün gecə Rusiyanın Gürcüstan sərhədinə çatacağı gözlənilir.
Digər tərəfdən, Türkiyənin Tiflisdəki səfirliyi Gürcüstan hakimiyyəti qarşısında lazımi təşəbbüsləri göstərib. Gürcüstan üzərindən Türkiyəyə çatması gözlənilən Ahıska türklərinin ölkəyə girişi və qəbulu üçün lazımi hazırlıqlar aidiyyatı qurumlar tərəfindən tamamlanıb.


Baxış sayı: 75


Bölməyə aid digər xəbərlər