Faiq Floranı seçdi, Brilliant ağır sözlərə keçdi
Tarix: 19-02-2020 14:30 | Bölmə: Mədəniyyət

                 Faiq Floranı seçdi, Brilliant ağır sözlərə keçdi

Xalq artistləri Brilliant Dadaşova və Faiq Ağayev arasında uzun illərdir davam edən qalmaqal yenidən alovlanıb. 
“Qafqazinfo” xəbər verir ki, əvvəlcə “Popumuz var” yutub layihəsində qonaq olan F. Ağayev aparıcı Murad Arifin “Flora Kərimovanın, yoxsa Brilliant Dadaşovanın sənəti?” sualına belə cavab verib: “Sən nə danışırsan? Təbii ki, Flora Kərimova. Müqayisəolunmaz bir şeydir. Biri əsrlər boyu qalacaq, o biri bir azdan yaddan çıxacaq”.
Bundan sonra M. Arif Ağayevdən parlament seçkilərinə qatılmama səbəbini soruşub. Murad Xalq artistini dürüst, doğru və məntiqli yol göstərən kimi təqdim edib. Bu fikirlər B.Dadaşovanı daha çox qıcıqlandırıb və M. Arifin instaqramdakı sözügedən paylaşımına münasibət bildirərək, Xalq artistinin ünvanına ağır fikirlər yazıb.
“Dürüst və doğru? (gülür) ... Özünü videoya çəkən, bunu da nədənsə onunla əlaqəsi olmayan Brilliantın boynuna atan dürüst! Canım Murad, dürüstlük dünyadakı haqqını halal etməz, günahdır”,- deyə Dadaşova qeyd edib. 
Xanım sənətçi daha sonra növbəti rəyini yazaraq M. Arifi də tənqid edib: “Murad, parlamentdə vaxtı ilə böyük Rəşid Behbudov oturub. Səndən nədənsə dürüstlük gözləyənlərin ümidlərini qırma. Xalq doğrudanmı cılızlaşdırılır? Allah xalqa kömək olsun!”. 
Brilliant Dadaşova daha sonra F. Ağayevin ona böhtan atdığını iddia edib: “Acıq vermək üçün şəxsən özünün çəkdiyi videonu ortaya çıxardı. Amma nədən şər-böhtan ataraq videonun yayılmasını mənim üstümə atdı? Hələ də bu, sual altındadır. Bu dünyada və mütləq məhşərdə böhtanın cəzası çox ağırdır”.




Baxış sayı: 74


Bölməyə aid digər xəbərlər
29-02-2020, 11:16 Xalq artisti vəfat etdi