Bütün xəbərlər
Məktəblilər: "Şəhidlər heç vaxt unudulmur, onlar bizim qəlbimizdə əbədi yaşayacaqlar"
Tarix: 29-10-2022 22:15 | Bölmə: Reportaj


Sumqayıtda şəhidlik zirvəsinə ucalmış Müşfiq Bəktiyevin şəhid olduğu günün ikinci ildönümü keçiirlib.
Tədbirdə şəhid ailələri, qazilər, ictimayyət nümayəndələri, məktəb şagirdləri,Sumqayıt şəhər İcra Hakimiyyətinin nümayəndələri iştirak ediblər.
Qeyd edək ki, tədbirdə iştirak edən Sumqayıt şəhər 15 nömrəli tam orta məktəbin şəhidin adını daşıyan 4c sinifinin şagirdləri bildiriblər ki, hər səhər şəhidləri böyük ehtiramla anırlar, bu onların borcudur. Bu günlərə şəhidlər sayəsində gəliblər.Şəhiidn valideynlərinə, yaxınlarına səbr diləyirlər. "Ancaq bilin ki, şəhidlər heç vaxt unudulmur, onlar bizim qəlbimizdə əbədi yaşayacaqlar".
Şəhidin yaşadığı Corat qəsəbəsindəki evində onun şərəfinə ehsan verilib.


Müşfiq Bəktiyev 24 yanvar 2002-ci ildə Sumqayıtın Corat qəsəbəsində anadan olmuşdur. 
Müşfiq Bəktiyev 2020-ci ildən Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu idi. Qusar rayonunda yerləşən "N" saylı hərbi hissədə xidmət edirdi.

                       

Azərbaycan Ordusunun əsgəri olan Müşfiq Bəktiyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində atıcı olaraq iştirak etmişdir. Cəbrayılın, Füzulinin və Xocavəndin azadlığı uğrunda gedən döyüşlərdə vuruşmuşdur. Müşfiq Bəktiyev 27 oktyabr 2020-ci ildə Xocavənd rayonu istiqamətində döyüş tapşırığının yerinə yetirilməsi zamanı həlak olmuşdur. Sumqayıt Şəhidlər Xiyabanında dəfn olunmuşdur.

                        

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Müşfiq Bəktiyev ölümündən sonra "Vətən uğrunda" medalı ilə təltif edildi.
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Müşfiq Bəktiyev ölümündən sonra "Xocavəndin azad olunmasına görə" medalı ilə təltif edildi.



                         
Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Müşfiq Bəktiyev ölümündən sonra "Cəbrayılın azad olunmasına görə" medalı ilə təltif edildi.
Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Müşfiq Bəktiyev ölümündən sonra "Füzulinin azad olunmasına görə" medalı ilə təltif edildi.


Namiq MƏMMƏDLİ
Sabaha-inamla.az





























Baxış sayı: 138


Bölməyə aid digər xəbərlər