Bütün xəbərlər
Riyaziyyat və Mexanika İnstitutunda Xocalı faciəsinin 31-ci ildönümünə həsr edilən tədbir keçirilib
Tarix: 25-02-2023 11:21 | Bölmə: Gündəm


Elm və Təhsil Nazirliyi Riyaziyyat və Mexanika İnstitutunda Xocalı faciəsinin 31-ci ildönümünə həsr edilən tədbir keçirilib.
Sabaha-inamla.az xəbər verir ki, bu barədə İnstitutun direktoru Misir Mərdanov sosial şəbəkədə yazı yazıb.
Öncə Xocalı soyqırım qurbanları və torpaqlarımızın azadlığı uğrunda canından keçən şəhidlərin əziz xatirəsi bir dəqiqəlik sükutla yad edilib.
Tədbirdə iştirak edən politoloq, əməkdar jurnalist Tofiq Abbasov çıxışında Xocalı faciəsinin baş vermə səbəblərindən və acı nəticələrindən danışıb, həmin günlərin xalqımızın yaddaşında silinməz izlər qoyduğunu və heç zaman unudulmayacağını bildirib. Azərbaycanın Xocalı şəhəri sakinlərinin erməni silahlı birləşmələri tərəfindən vəhşicəsinə öldürülməsi Qarabağ müharibəsinin ən dəhşətli və tariximizə qanla yazılan səhifəsi olduğunu vurğulayıb.
Qeyd olunub ki, 1992-ci ilin fevral ayının 25-dən 26-na keçən gecə Ermənistan silahlı qüvvələri 366-cı motoatıcı alayının zirehli texnikasının və hərbi heyətinin köməyi ilə Xocalı şəhərində soyqırımı törədərək 63-ü uşaq, 106-sı qadın, 70-i qoca olmaqla 613 nəfər Xocalı sakinini qətlə yetirib. Hadisələrə ilk dəfə siyasi-hüquqi qiymət ümummilli lider Heydər Əliyevin hakimiyyətə qayıdışından sonra verilib və məhz Ulu Öndərin təşəbbüsü ilə 1994-cü ildə Milli Məclisdə fevralın 26-sı “Xocalı soyqırımı günü” kimi qəbul edilib.

Sabaha-inamla.az







Baxış sayı: 183


Bölməyə aid digər xəbərlər