Bütün xəbərlər
Sumqayıtda Yay Olimpiya və Paralimpiya Oyunlarının qalib və mükafatçıları ilə onlayn görüş keçirilmişdir
Tarix: 26-02-2021 02:59 | Bölmə: Digər

25 fevral 2021-ci il tarixində Zoom platforması üzərində Sumqayıt şəhər Gənclər və İdman Baş İdarəsinin təşkilatçılığı ilə Yay Olimpiya və Paralimpiya Oyunlarının qalib və mükafatçıları İlham Zəkiyev, Şahin İmranov, Fuad Aslanov, Kərim Sərdarov, Tofiq Məmmədov, Rövşən Səfərov, Natiq Qurbanlı, Kənan Quliyev və onların məşqçiləri ilə “Olimpiya Kürsüsü” başlığı altında  görüş keçirilmişdir.
İlk öncə şəhidlərimizin əziz xatirəsi bir dəqiqəlik sükutla yad edilmişdir.
Tədbiri giriş sözü ilə açan Baş İdarənin rəisi Elgün Hümbətov dövlətin digər sahələri kimi bədən tərbiyəsi və idman sahəsinə göstərilən diqqət və qayğıdan, Ulu Öndər Heydər Əliyevin idman sahəsində gördüyü əvəzsiz işlərdən və onun layiqli davamçısı, ölkə Prezidenti cənab İlham Əliyev tərəfindən bu siyasətin uğurla davam etdirilməsindən, Gənclər və İdman Nazirliyi və şəhər rəhbərliyi tərəfindən yaradılan şəraitdən, Baş İdarənin fəaliyyəti dövründə Sumqayıt idmançılarının əldə etdiyi nailiyyətlərdən danışdı. E.Hümbətov çıxışını davam etdirərək bildirdi ki, respublikamız müstəqillik qazandıqdan sonra şəhərin 20 idmançısı Yay Olimpiya və Paralimpiya Oyunlarında iştirak etmiş, ümumilikdə 2 qızıl, 4 gümüş və 4 bürünc medal olmaqla 10 medal qazanmışdır. İdman növləri üzrə keçiriləcək lisenziya yarışlarında şəhər idmançılarının uğurla çıxış edəcəyinə, qarşıdan gələn oyunlarda iştirak etmək hüququ qazanacağına, medalların sayını artıracağına ümid etdiyini bildirərək idmançılara uğurlar arzuladı. Daha sonra çıxış edən Əhməd Rəcəbli, Qərib Əliyev, İbrahim İbrahimov, İlham Zəkiyev, Fuad Aslanov, Şahin İmranov, Rövşən Səfərov, Kənan Quliyev keçdikləri idman yolundan, əldə etdikləri uğurlardan və ölkə başçısı cənab İlham Əliyevin bütün sahələrdə olduğu kimi idman sahəsində də idmançılara göstərdiyi diqqət və qayğıdan danışmışlar.
Görüşdə maraqlı müzakirələr aparılmış, idmançıları maraqlandıran suallar cavablandırılmışdır.
Sabaha-inamla.az












Baxış sayı: 344


Bölməyə aid digər xəbərlər