16:17 / 28-02-2020
Virusdan necə qorunmaq olar?
“İnanın, dəyişirik” - Anar Əsədli seçiciləri ilə görüşdə - Foto+Video
Tarix: 27-01-2020 15:41 | Bölmə: Reportaj

                “İnanın, dəyişirik”

                 
125 saylı Zəngilan-Qubadlı seçki dairəsindən deputatlığa namizəd Anar Əsədlinin seçki təbliğatı kampaniyası davam edir. “Qafqazinfo” xəbər verir ki, Azərbaycan Respublikasının Milli Məclisinə 9 fevral 2020-ci il tarixinə təyin edilmiş növbədənkənar parlament seçkiləri çərçivəsində seçki kampaniyasında müxtəlif yeniliklərə imza atan, böyük insan kütləsini ətrafına toplamağı bacaran Anar Əsədli Zəngilan və Qubadlıdan olan məcburi köçkünlərlə – seçiciləri ilə bir araya gəlib.
Belə ki, deputalığa namizəd Sumqayıtın 11-ci mikrorayonunda yerləşən Q.İlyasov adına Qubadlı rayon 1 saylı orta məktəbdə Zəngilan və Qubadlıdan olan seçiciləri ilə qapalı görüş keçirib. Tədbiri giriş sözü ilə Azərbaycan Dövlət Televiziyasının əməkdaşı Zaur Mahmudov açıb. Daha sonra vətən uğrunda həlak olan şəhidlərimizin ruhu bir dəqiqəlik sükutla yad edilib və himnimiz səsləndirilib.
Namizədin vəkilləri və komanda üzvlərinin iştirakı ilə keçirilən görüşdə Anar Əsədli seçicilərə özü və platforması barədə geniş məlumat verib. Daha sonra seçicilər şikayət və arzularını dilə gətiriblər. Görüşdə seçicilərin sualları cavablandırılıb, problemlər barədə fikir mübadiləsi aparılıb. Deputatlığa namizəd hər görüşdə olduğu kimi, yenə də seçicilərini seçkilərdə aktiv iştiraka səsləyib və "İnanın, dəyişirik!" deyib.
Anar Əsədli seçicilərə müraciət edərək vurğulayıb ki, seçkiyə qarşı bu günədək olan inamsızlığınızı geridə qoymalı, seçkidə öz iradənizi göstərməlisiniz:
“Bilirəm, hər birinizdə seçkilərlə bağlı, onun demokratikliyi ilə bağlı müxtəlif suallar var. Bəli, sizlər haqlısınız. Ancaq bu, o demək deyil ki, seçkidə iştirak etməməlisiniz. Xeyr, siz seçkiyə qatılmalı və o kağızı sandığa atmalısınız. Belə olan təqdirdə burada heç bir saxtakarlıqdan söhbət gedə bilməz.
Mən sizlərdən biriyəm, sizin yaşadığınız həyatı yaşamışam, dədə-baba yurdumdan didərgin düşmüşəm. Sizlərin hər bir problemindən xəbərim var. Sizi əmin edirəm ki, biz birlikdə çox şey həyata keçirəcəyik.
Bizə sual verirlər ki, siz özünüz dəyişikliyə inanırsınız? Bəli, biz inanırıq. İnanmasaydıq, bu qədər əmək sərf etməzdik. Dəyişmək lazımdır”.
Seçicilər Anar Əsədlini dəstəklədiklərini və seçki günü sandıqdan öz iradələrinin çıxacağını qeyd ediblər. Daha sonra Anar Əsədli prinsipinə sadiq qalaraq seçiciləri evlərində ziyarət edib.






Baxış sayı: 84


Bölməyə aid digər xəbərlər