“Zəfər yolu- 44” devizi altında “Nə? Harada? Nə zaman?” İntellektual Oyunu keçirilib
Tarix: 23-09-2022 16:16 | Bölmə: Digər

    “Zəfər yolu- 44” devizi altında Şahbuz rayon ümumtəhsil məktəblərinin şagirdləri arasında “Nə? Harada? Nə zaman?” İntellektual Oyunu keçirilib. Oyun yeniyetmələrin intellektual səviyyəsini, dünyagörüşünü artırmaq və asudə vaxtlarını səmərəli təşkil etmək məqsədilə keçirilib.
     Oyun başlanmazdan əvvəl qəhrəman şəhidlərimizin əziz xatirəsi bir dəqiqəlik sükutla yad edilib. Şahbuz şəhər 1 nömrəli tam orta məktəbində keçirilən intellektual oyunda 25 şagird iştirak edib.
   Yekun nəticəyə əsasən 15 xalla “Zəfər” komandası rəqiblərini üstələyərək qalib adını qazanıb. “Dəmir yumruq” komandası 14 xalla 2-ci yerin, “Şuşa” komandası isə 11 xalla 3-cü yerin sahibi olub.
     Sonda qalib komandalara və komanda üzvlərinə yarış təşkilatçılarının diplomları təqdim olunub.
    Qeyd edək ki, oyun Şahbuz Rayon Gənclər və İdman İdarəsi, Təhsil Şöbəsi və “Gənclərin İntellektual İnkişaf Mərkəzi” İctimai Birliyinin birgə təşkilatçılığı ilə keçirilib.
Sabaha-inamla.az





Baxış sayı: 44


Bölməyə aid digər xəbərlər