Voleybol üzrə yoldaşlıq görüşündə “Naxçıvan” komandası qalib gəlib
Tarix: 02-12-2021 01:03 | Bölmə: Digər


Naxçıvan şəhərində yerləşən İlham Əliyev adına Olimpiya İdman Kompleksində keçirilən voleybol üzrə yoldaşlıq görüşü başa çatıb.
Naxçıvan Muxtar Respublikası Gənclər və İdman Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, qarşılaşmada böyüklərdən ibarət “Naxçıvan” və “Culfa” komandaları meydanda olub. Görüş voleybolçuların oyun təcrübəsi və ustalıq səviyyəsinin artırılması məqsədilə təşkil olunub.
Nəticəyə gəlincə, matç “Naxçıvan” voleybolçularının 3:0 hesablı qələbəsi ilə yekunlaşıb.
Gənclər və İdman Nazirliyi ilə Naxçıvan Voleybol Federasiyası tərəfindən birgə təşkil olunan oyunun sonunda hər iki komandaya voleybol topları hədiyyə edilib.







Baxış sayı: 130


Bölməyə aid digər xəbərlər