Bütün xəbərlər
Deputat mövqeyini dəyişən müxalifətçiləri “topa tutdu” - “Düşməndən dost olmaz”
Tarix: 09-09-2019 11:09 | Bölmə: Siyasət


                         Deputat mövqeyini dəyişən müxalifətçiləri “topa tutdu”

“Düşmən gəlib içəriyə daxil olacaq və bir gün yenə öz düşmənçiliyini göstərəcək. Çünki onlarda qərəz deyil, mərəzdir”.
"Qafqazinfo" xəbər verir ki, bunu Yeni Azərbaycan Partiyasının (YAP) yaradıcılarından və məşhur “91-lər”dən olan millət vəkili Eldar İbrahimov modern.az-a müsahibəsində "Bir vaxtlar belə fikir var idi, müxalifət partiyaları hakimiyyətə işləyir. İndi həmin qüvvələr xaricə işləməkdə qınanılır. Bəlkə onları elə iqtidar özü satın alaydı?" sualını cavablandırarkən bildirib.
“Biz onları satın alsaq belə, Azərbaycandakı inkişafı, əmin-amanlığı gözü götürməyən xarici qüvvələr var. İstəsək də, lap çox pul versək də, onlar milli maraqlarımıza xidmət etməyəcəklər. Çünki xarici qüvvələrin əlində idilər. Onların məqsədi xarici qüvvələrdən çoxlu pul alaraq, hakimiyyəti ələ keçirtmək idi.
Düzdür, bəziləri bizim tərəfimizə keçdi, pul qazandı, hətta, deputat da oldu. Amma bir şeyi deməliyəm ki, düşməndən sənə dost ola bilməz. “Düşmən” gəlib içəriyə daxil olacaq və bir gün yenə öz düşmənçiliyini göstərəcək. Çünki onlarda qərəz deyil, mərəzdir. Ona görə onların dostluğu bizə lazım deyil.
Dediyim kimi, xarici qüvvələr imkan verməyəcək ki, onlar Azərbaycana xidmət göstərsin. İndi hansı müxalifətçinin xarici ölkədə evi, imkanı yoxdur?! Bunu bütün Azərbaycan xalqı bilir…”-deyə, E. İbrahimov sözlərinə əlavə edib.


Baxış sayı: 529


Bölməyə aid digər xəbərlər