12:32 / 29-05-2020
TƏBRİK EDİRİK!
İcra başçısı "villa" və "bahalı maşın" xəbərlərini təkzib edir
Tarix: 13-05-2020 15:27 | Bölmə: Müsahibə
             

"Lənkəran ŞİH başçısı Taleh Qaraşovun və bacısının Bakı şəhərinin Xətai rayonunda Həzi Aslanov qəsəbəsində hansısa villaları, bahalı maşınları olduğu barədə internet saytlarında yayılmış informasiya ilə bağlı bildiririk ki, qeyd olunanlar həqiqətdən tamamilə uzaq fikirlərdir. informasiyada şəkli əks olunmuş ev Taleh Qaraşova məxsus deyil". 
Hit.Az xəbər verir ki, bu barədə Qaynarinfo-nun sorğusuna cavab olaraq Lənkəran rayon İcra Hakimiyyətinin mətbuat xidmətindən bildiriblər.
Məlumatda daha sonra deyilir:
"Eyni zamanda Taleh Qaraşovun bacılarının heç biri Bakı şəhərində yaşamır və heç birinin göstərilən ərazidə evi yoxdur. İcra başçısının oğlu Vüsal Qaraşov isə uzun illər polis orqanlarında nümunəvi xidmət göstərib və başqa sahədə çalışmağı qərara aldığından öz ərizəsi ilə işdən azad olunub. Taleh Qaraşovun guya hansısa bahalı maşınlarını satması barədə fikirlər də doğru deyil. İcra başçısının guya bir sıra gizli işlərini müavinin əli ilə görməsi, adlarında çoxlu mülk və obyektlərin olması barədə əvvəllər də sosial şəbəkələrdə təkrar-təkrar yayımlanmış eyni məzmunlu böhtan xarakterli informasiyalara vaxtında rəsmi cavablar verilib və qəti şəkildə təkzib olunub. İnformasiya resurslarının rəhbərləri hər hansı informasaiyanı yaymamışdan əvvəl qarşı tərəfin mövqeyini öyrənməklə göstərilən faktları bir daha dəqiqləşdirsələr yaxşı olar". 



Baxış sayı: 85


Bölməyə aid digər xəbərlər