Əli Əhmədov: Mayın 29-da bütün dünyanın nəzərləri Bakıda olacaq
Tarix: 28-05-2019 12:35 | Bölmə: Manşet



Mayın 29-da bütün dünyanın nəzərləri Bakıda olacaq. Trend-in məlumatına görə, bunu Baş nazirin müavini, Yeni Azərbaycan Partiyasının Sədr müavini – icra katibi Əli Əhmədov deyib.
Ə.Əhmədov xatırladıb ki, may ayının 29-da Bakının Olimpiya Stadionunda Avropa Liqasının final oyunu keçiriləcək:
“Avropanın iki məşhur futbol komandasının – Arsenal cə Çelsi komandalarının çempionluq uğrunda yarışına Bakının ev sahibliyi etməsi əlamətdar hadisədir. Bu, təkcə idman bayramı deyil, eyni zamanda Azərbaycanı, Bakını tanıtmağın gözəl imkanıdır. Artıq bir neçə gündür Bakı, Azərbaycan futbolsevərlərin ən çox müzakirə etdiyi ölkə və şəhərdir. Ayın 29-da isə bütün dünyanın nəzərləri Bakıda olacaq.
İdmançılara uğurlar diləyirəm. Komandalardan hansısa çempion adına məhz Bakıda nail olduğunu heç zaman unutmayacaq. Eynilə də fanatların Bakıda keçirilən oyundan ən xoş təəssüratlarla qayıdacaqlarına əminəm.
Bakıdakı futbol fanatlarının oyuna Azərbaycan bayrağı ilə getmək barədə sosial şəbəkələrdə səsləndirilən təklifi mən də dəstəkləyirəm. Yaxşı olar ki, Bakı həm oyunçuların, həm də fanatların yaddaşında təkcə stadionun gözəlliyi ilə deyil, həm də azarkeşlərin coşqusu ilə qalsın.
Azərbaycan bayraqları, Azərbaycan coşqusu və Azərbaycan qonaqpərvərliyi ilə futbolçuları və onların Bakıya gəlmiş fanatlarını salamlayırıq.
Hamınıza gözəl idman həyəcanı və xoş istirahət arzulayıram”.


Baxış sayı: 29


Bölməyə aid digər xəbərlər