01:22 / 16-09-2019
TƏBRİK EDİRİK!
Gədəbəydə qadını və oğlunu güllələyib evini yandırdılar - TƏFƏRRÜAT
Tarix: 02-09-2019 18:16 | Bölmə: Cəmiyyət



Gədəbəydə baş vermiş silahlı insidentin təfərrüatı məlum olub.
Daxili İşlər Nazirliyinin Mətbuat xidmətindən verilən məlumata görə, avqustun 31-də Gədəbəy rayonunun Arısu kəndi ərazisində Şəmkir rayon sakini Ə.Həsənov münaqişə zəminində tüfəngdən açdığı atəşlə kənd sakini olan qohumu R.Vəliyevaya qolundan, onun oğlu A.Əliyevə isə ayaq nahiyəsindən xəsarət yetirib.
Ə.Həsənov sonradan R.Vəliyevaya məxsus iki mərtəbəli evə neft tökərək yandırıb. Nəticədə oradakı əşyalar, habelə 20 kv.m sahədə dam örtüyü yanıb.
Yanğın söndürülüb, R.Vəliyeva və A.Əliyev xəstəxanaya yerləşdirilib.
Gədəbəy Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində adam öldürməyə cəhddə şübhəli bilinən Ə.Həsənov saxlanılıb.
Cinayət əməlini törədərkən istifadə etdiyi müvafiq sənədləri olmayan "İJ-16" markalı ov tüfəngi ondan götürülüb.
Faktla bağlı araşdırma aparılır.


Baxış sayı: 51


Bölməyə aid digər xəbərlər
Dünən, 01:22 TƏBRİK EDİRİK!
31-08-2019, 02:22 TƏBRİK EDİRİK!
17-08-2019, 01:23 TƏBRİK EDİRİK!
16-08-2019, 14:14 TƏBRİK EDİRİK!